Jazoir terma jamoasi bosh murabbiyi Vladimir Petkovich Jahon chempionati-2026 doirasidagi Argentinaga qarshi start o‘yini haqida fikr bildirdi. U raqibning salohiyatini yuqori baholadi, biroq Jazoir tengma-teng kurashish niyatida ekanini ta’kidladi.
«Biz Argentinani juda hurmat qilamiz. Ular asosiy favoritlardan biri va amaldagi jahon chempioni hisoblanadi. Ammo biz bu yerga shunchaki tomoshabin rolini o‘ynash uchun emas, balki raqobatbardosh bo‘lish uchun kelganmiz. Futbolchilar tayyor», — deya Petkovichning so‘zlarini keltiradi La Nacion nashri.
«Jazoir yaxshi taassurot qoldiradi deb umid qilaman. Jazoir xalqida ulkan energiya bor. Biz Argentina terma jamoasiga katta hurmat bilan yondashamiz, lekin maydonga orzu va ishtiyoq bilan tushamiz. Himoyada juda yaxshi ishlashimiz kerak bo‘ladi», — deya ta’kidladi u.
