Франция терма жамоаси устози Дидье Дешам жаҳон чемпионатининг биринчи тур учрашуви олдидан ўз фикрларини билдирди. Сенегалга қарши баҳс 16 июнь куни бўлиб ўтади.
«Бу жуда юқори даражадаги рақиб, мен уларнинг салоҳиятини яхши биламан. Сенегал Африка ва дунёнинг энг яхши жамоалари қаторига киради, шунинг учун ушбу илк ўйинда бизни нима кутаётганини аниқ тушуниб турибмиз. Старт ҳар доим муҳим, гарчи у ҳал қилувчи аҳамиятга эга бўлмаса-да. Ғалаба билан бошлаш идеал вариант, аммо ўтган жаҳон чемпионатида чемпион Аргентина мағлубият билан бошлаганини кўрганмиз. Футболчилар ўйин муҳити ва атрофдаги босим сабабли ҳаяжонланишлари мумкин. Шу сабабли, энг муҳими — диққатни жамлаш ва шу билан бирга хотиржамликни сақлашдир», — дея мураббийнинг сўзларини келтиради La Nacion нашри.
Аввалроқ Дешам ЖЧ-2002 учун Сенегалдан реванш олиш эҳтимоли ҳақида нималар деб ўйлашини айтиб ўтган эди.
