Fransiya terma jamoasi ustozi Didye Desham jahon chempionatining birinchi tur uchrashuvi oldidan o‘z fikrlarini bildirdi. Senegalga qarshi bahs 16 iyun kuni bo‘lib o‘tadi.

«Bu juda yuqori darajadagi raqib, men ularning salohiyatini yaxshi bilaman. Senegal Afrika va dunyoning eng yaxshi jamoalari qatoriga kiradi, shuning uchun ushbu ilk o‘yinda bizni nima kutayotganini aniq tushunib turibmiz. Start har doim muhim, garchi u hal qiluvchi ahamiyatga ega bo‘lmasa-da. G‘alaba bilan boshlash ideal variant, ammo o‘tgan jahon chempionatida chempion Argentina mag‘lubiyat bilan boshlaganini ko‘rganmiz. Futbolchilar o‘yin muhiti va atrofdagi bosim sababli hayajonlanishlari mumkin. Shu sababli, eng muhimi — diqqatni jamlash va shu bilan birga xotirjamlikni saqlashdir», — deya murabbiyning so‘zlarini keltiradi La Nacion nashri.

Avvalroq Desham JCH-2002 uchun Senegaldan revansh olish ehtimoli haqida nimalar deb o‘ylashini aytib o‘tgan edi.