Англия терма жамояси ярим ҳимоячиси Жордан Хендерсон ЖЧ-2026 гуруҳ босқичи 1-туридан ўрин олган Англия ва Хорватия ўртасидаги баҳсда Лука Модричнинг ўйинидан нималар кутаётгани ҳақида гапирди. Учрашув эртага, 17 июнь куни бўлиб ўтади. Айни пайтгача хорватиялик футболчи миллий терма жамоаси сафида 198 та ўйинда майдонга тушиб, 29 та гол урган.
«У дунё даражасидаги футболчи, унга қарши ўйнаш жуда қийин. Умид қиламанки, у ўзининг бор маҳоратини кўрсата олмайди, ваҳоланки биз унинг нималарга қодирлигини яхши биламиз. Аммо мен ҳали бирор марта ҳам унинг ёмон ўйнаганини кўрмаганман», – дея Хендерсоннинг сўзларини келтиради Mundo Deportivo.
Жаҳон чемпионати – 2026 мусобақаси 11 июндан 19 июлгача бўлиб ўтади. L гуруҳида Хорватия ва Англиядан ташқари Гана ҳамда Панама терма жамоалари ҳам жой олган.
