Франция терма жамоаси жаҳон чемпионатидаги йўлини Сенегал устидан қозонилган 3:1 ҳисобидаги ғалаба билан бошлади. Голсиз якунланган биринчи бўлимдан сўнг французлар ўйинни сезиларли даражада кучайтира олишди. «Учранглилар» сардори Килиан Мбаппе учрашувда дубль қайд этди. Франция терма жамоаси ҳимоячиси Вильям Салиба ҳужумчи ҳақида ўз фикрларини билдирди.
«Мбаппе? Унинг қилаётган ишлари шунчаки даҳшат (ақл бовар қилмас даражада). Менимча, у Франция терма жамоаси тарихидаги энг яхши тўпурарга айланганини ва балки ҳали жаҳон чемпионатлари тарихидаги энг яхши тўпурар ҳам бўлишини ўзи ҳам охиригача ҳис қилмаяпти — бунга умид қиламан. Барчамиз у учун жуда хурсандмиз. Умид қиламанки, у турнир якунига қадар гол уришда давом этади», — деди Салиба beIN Sports телеканалига.
Жаҳон чемпионати гуруҳ босқичининг кейинги учрашувларида Франция терма жамоасини Ироқ ва Норвегияга қарши ўйинлар кутмоқда.
