Франция терма жамоаси марказий ҳимоячиси Вильям Салиба жаҳон чемпионати гуруҳ босқичи биринчи турида Сенегал устидан қозонилган ғалабадан сўнг интервью берди. Французлар Килиан Мбаппенинг дубли ва Брэдли Барколанинг аниқ зарбаси эвазига устун келишди. Барча голлар иккинчи бўлимда киритилди.
«Имкониятларимиз? Биз жаҳон чемпионати фаворити эмасмиз. Ғалабага даъвогар бўлган кўплаб жамоаларни санаб ўтиш мумкин. Бизда яхши имкониятлар бор, лекин кубокни қўлга киритишни истасак, ҳаммани мағлуб этишимиз керак», – деди «уч ранглилар»нинг бошланғич таркибида майдонга тушган Салиба журналистлар билан суҳбатда.
Дидье Дешам шогирдлари иккинчи турда Ироқ терма жамоаси билан тўқнаш келишади, гуруҳ босқичининг якуний ўйинида эса Норвегияга қарши баҳс олиб боришади.
