Аргентина миллий жамоаси ҳужумчиси Лионель Месси ЖЧ-2026 гуруҳ босқичи 1-туридан ўрин олган Жазоирга қарши баҳснинг энг яхши футболчиси деб топилди. "J" гуруҳидан ўрин олган учрашув АҚШнинг Канзас-Сити шаҳрида бўлиб ўтди ва аргентиналикларнинг 3:0 ҳисобидаги ғалабаси билан якунланди.

Месси ушбу учрашувда хет-трик қайд этди. У 17-дақиқада Родриго де Паульнинг узатмасидан сўнг ҳисобни очган бўлса, 60 ва 76-дақиқаларда ҳам рақиб дарвозасини ишғол қилди. Учинчи голда Николас Гонсалес ассист муаллифи бўлди.

Эндиликда саккиз карра «Олтин тўп» соҳиби жаҳон чемпионатлари тарихидаги энг яхши тўпурарлар рўйхатида германиялик Мирослав Клозе билан етакчиликни бўлишиб турибди. Ҳар икки футболчи ҳисобида 16 тадан гол мавжуд.

38 ёшли Месси учун бу Аргентина терма жамоаси сафидаги 200-ўйин ва жаҳон чемпионатларидаги 27-учрашув бўлди. Шунингдек, у тарихда олтита жаҳон чемпионатида майдонга тушган илк футболчига айланди.