«РБ Лейпциг» клуби бош мураббий Оле Вернер билан меҳнат шартномасини бекор қилди. 38 ёшли мутахассиснинг истеъфоси ҳақида Германия клубининг расмий сайтида хабар берилди.
Вернер жамоани 2025 йилнинг ёзидан буён бошқариб келаётган эди. Унинг қўл остида «қизил буқалар» Германия чемпионатининг ортда қолган мавсумида 65 очко жамғариб, учинчи ўринни банд этишган эди. «РБ Лейпциг»даги фаолиятига қадар Вернер Бременнинг «Вердер» ҳамда «Хольштайн Киль» клубларини бошқарган.
Аввалроқ ОАВда Бундеслиганинг бронза медали соҳиби бўлган ушбу жамоа бошқарувига айни пайтда Испаниянинг «Мальорка» клубида ишлаётган аргентиналик Мартин Демичелис келиши ҳақида маълумотлар пайдо бўлган эди.
