18 июнь куни 2026 йилги Жаҳон чемпионати 1-тури доирасида Ўзбекистон ва Колумбия миллий терма жамоалари ўртасида учрашув бўлиб ўтади. Таниқли футбол функционери Алишер Никимбаев миллий терма жамоанинг дунё биринчилигидаги дебют ўйинидан кутилаётган умидлари билан ўртоқлашди.
«Қийин бўлишини тушуниб турибмиз, чунки Колумбия терма жамоаси анча тажрибали, қолаверса, уларнинг футболчилари Европа клубларида, халқаро майдонда катта ўйин амалиётига эга. Яхши натижадан умидворман, камида дуранг ўйнашимиз шарт», — дея экспертнинг сўзларидан иқтибос келтирмоқда Metaratings.ru.
Фабио Каннаваро шогирдлари колумбияликларга қарши баҳсни Мексикадаги муҳташам «Ацтека» стадионида Тошкент вақти билан соат 07:00 да бошлашади.
Эслатиб ўтамиз, «K» гуруҳида ушбу жамоалардан ташқари Португалия ва Конго ДР терма жамоалари ҳам жой олган.
