18 iyun kuni 2026 yilgi Jahon chempionati 1-turi doirasida O‘zbekiston va Kolumbiya milliy terma jamoalari o‘rtasida uchrashuv bo‘lib o‘tadi. Taniqli futbol funksioneri Alisher Nikimbayev milliy terma jamoaning dunyo birinchiligidagi debyut o‘yinidan kutilayotgan umidlari bilan o‘rtoqlashdi.
«Qiyin bo‘lishini tushunib turibmiz, chunki Kolumbiya terma jamoasi ancha tajribali, qolaversa, ularning futbolchilari Yevropa klublarida, xalqaro maydonda katta o‘yin amaliyotiga ega. Yaxshi natijadan umidvorman, kamida durang o‘ynashimiz shart», — deya ekspertning so‘zlaridan iqtibos keltirmoqda Metaratings.ru.
Fabio Kannavaro shogirdlari kolumbiyaliklarga qarshi bahsni Meksikadagi muhtasham «Asteka» stadionida Toshkent vaqti bilan soat 07:00 da boshlashadi.
Eslatib o‘tamiz, «K» guruhida ushbu jamoalardan tashqari Portugaliya va Kongo DR terma jamoalari ham joy olgan.
