Таниқли телебошловчи Пирс Морган Англия миллий терма жамоаси АҚШ Мустақиллик декларацияси қабул қилинганининг 250 йиллиги нишонланадиган йилда, айнан Америка майдонида ЖЧ-2026 ғолибига айланишидан умид қилмоқда.
Ушбу тарихий воқеа шарафига АҚШда ҳар йили 4 июль куни Мустақиллик куни кенг нишонланади. Жаҳон чемпионати эса 19 июль куни якунига етади. Эслатиб ўтамиз, инглизлар турнирни Хорватия устидан қозонилган ғалаба (4:2) билан бошлашди.
«Тасаввур қилинг, Англия терма жамоаси Америка бизни [британларни] ўз уйига жўнатиб юборган куннинг 250 йиллигини нишонлайдиган ойда, айнан АҚШда Жаҳон чемпионатини ютиб олса. Ва президент Трамп кубокни шахсан бизга топширишга мажбур бўлса.
Бунинг учун, ўзимнинг эски қизил пиджагимнинг чангини артиб, кийишимга тўғри келади, шекилли», — деб ёзди Морган ўзининг ижтимоий тармоқдаги саҳифасида.
Маълумот учун, Буюк Британия ва исён кўтарган Шимолий Америка колониялари ўртасидаги уруш 1783 йилда якунланган. Ўша даврда британ аскарлари қизил рангли ҳарбий кийим кийишган.
