АҚШ терма жамоаси бош мураббийи Маурисио Почеттино жамоасининг амбициялари максимал даражада бўлиши кераклигини маълум қилди.
«Биз чегарасиз орзу қилишимиз керак. Ҳеч қандай чеклов қўймаслик лозим. Агар мен Ойга тегишни, Ойда бўлишни орзу қилсам, эҳтимол, Ойга яқинлаша оларман. Агар мен шунчаки унга яқинлашишни орзу қилсам, Ернинг ўзида қолиб кетаман.
Бу жуда кучли фикр, шундай эмасму? Буни уддалай олишингга ишониш. Дастлаб онгингда шаклланадиган фикрлар, якунда ҳақиқатда намоён бўлишини англаб етиш.
Қачонки биз чин дилдан буюк нарсалар ҳақида орзу қилсак, бунга қалбимизни, ҳис-туйғуларимизни ва ҳаракатларимизни бағишлаймиз. Бу эса ҳақиқатни орзуларимизга яқинлаштиради. Қайсидир маънода, ҳақиқат, энг аввало, бизнинг онгимизда шаклланади», — деди Почеттино.
