Италиянинг "Интер" клуби расмий сайти орқали бош мураббий Кристиан Киву билан тузилган шартнома узайтирилганини маълум қилди.
Янги келишувга кўра, 45 ёшли руминиялик мутахассиси клубда камида 2028 йилгача фаолият юритади. Аввалги меҳнат шартномаси 2027 йил ёзигача амал қилар эди.
Аввалроқ ОАВларда Кивунинг янги битимида уни 2029 йилгача узайтириш имконияти ҳам кўзда тутилгани ҳақида хабарлар тарқалганди. Шунингдек, Кивунинг йиллик маоши 4 миллион еврога етгани таъкидланган.
Кристиан Киву 2025 йил июнь ойида «Интер» бош мураббийи этиб тайинланган. Унинг раҳбарлиги остида Милан жамоаси Италия чемпиони бўлди ҳамда мамлакат Кубогини қўлга киритди.
«Интер»га келгунга қадар Киву «Парма» клубини, шунингдек, миланликларнинг ёшлар жамоаларини бошқарган.













