Лионель Месси ЖЧ-2026 гуруҳ босқичи 1-турида Жазоирга қарши ўйинда (3:0) хет-трик муаллифи бўлганидан сўнг, АҚШ терма жамоаси бош мураббийи Маурисио Почеттино футболчи ва унинг оиласи ҳақида фикр билдирди.
«Мен Мессини қўллаб-қувватлашни истайман, чунки у ҳозир осон бўлмаган вазиятда. Мен уни ва унинг оиласини Париждаги давримиздан бери яхши биламан ва оиласига энг яхши тилакларни йўллайман. Мен аргентиналикман ва Жазоирга қарши ўйинда Леонинг ўйинини кўриш ёқимли бўлди. Месси ҳақида янги гап айтиш қийин — у энг яхшиси. Унинг хет-трик қайд этгани ажойиб», — деди мутахассис.
Маълумот учун, аввалроқ Месси отасининг соғлиги билан боғлиқ муаммолар ҳақида ҳам хабарлар тарқалган эди.













