Португалия терма жамоасига Криштиану Роналдусиз яхшироқ. Бу ҳақда Италиянинг «Милан» клуби собиқ ҳужумчиси Кевин-Принс Боатенг маълум қилди.

«Роналду, агар у жамоавий ўйинчи бўлганида, четга чиқиб, ёшларга ўзларини кўрсатиш учун имконият берган бўларди. Португалияга усиз яхшироқ», — дея фахрий футболчининг сўзларини келтиради А Bola нашри.

Боатенг Роберто Мартинес бошчилигидаги мураббийлар штабига зарур бўлган вақтда натижага эришиш учун Роналдуни ўйинларнинг сўнгги 15-20 дақиқасида майдонга туширишни маслаҳат берди.

ДР Конгога қарши баҳсда Роналду самарали ҳаракатлари билан ажралиб тура олмади ва статистика бўйича энг ёмон ўйинчига айланди (1:1).