Миланнинг «Интер» клуби «Ливерпуль» ярим ҳимоячиси Кёртис Жонс трансфери устида ишлашда давом этмоқда.

Инсайдер Николо Скиранинг хабар беришича, клублар ўртасида инглиз футболчиси бўйича янги тўғридан-тўғри музокаралар режалаштирилган — учрашув кейинги ҳафтада бўлиб ўтади. 25 ёшли футболчи «нерадзурри»нинг трансфер бозоридаги устувор мақсади бўлиб қолмоқда. Италия гранди «қизиллар» хавбекининг ўзи билан шахсий шартнома шартларини келишиб олган — келишув 2031 йилгача мўлжалланган. Эндиликда фақат «Ливерпуль»нинг розилигини олиш қолди.

Кёртис Жонс фаолиятининг бошидан буён мерсисайдликлар шарафини ҳимоя қилиб келмоқда. Якунланган мавсумда футболчи жамоа сафида 49 та ўйинда майдонга тушиб, 3 та гол ва 3 та голли узатмани ўз ҳисобига ёздириб қўйди.