Сантандернинг «Расинг» клуби ҳимоячиси Хорхе Салинас «Барселона»нинг трансфер нишонлари рўйхатидан жой олди.
Журналист Ферран Корреаснинг таъкидлашича, «кўк-анорранглилар» 19 ёшли футболчини ўз шорт-листига киритган. Ҳозирча Салинас борасида якуний қарорга келингани йўқ, бироқ у каталонияликлар спорт директорига жуда манзур бўлган. Қайд этилишича, Салинаснинг шартномасида 8 миллион евро миқдорида товон пули (сотиб олиш опцияси) кўрсатилган.
2025/26 йилги мавсумда Салинас барча мусобақаларда жами 34 та учрашувда майдонга тушиб, ўз ҳисобига 7 та голли узатмани ёздириб қўйди.
Transfermarkt интернет портали маълумотларига кўра, ёш ҳимоячининг айни пайтдаги трансфер баҳоси 5 миллион еврони ташкил этади.
