«Барселона» ва Испания терма жамоаси вингери Ламин Ямал ҳужумчилар Лионель Месси, Килиан Мбаппе ва Эрлинг Холанд ҳақида фикр билдирди.
Аргентина терма жамоаси ҳужумчиси ҳақида
«Месси – тарихдаги энг яхши футболчи. Агар кимдадир шубҳа бўлса, бу уларнинг ўзлари шубҳа қидираётганликларидан далолатдир. Ортиқча гапга ҳожат йўқ, у энг зўри. Месси ҳар бир ўйинда тарихдаги энг яхшиси эканлигини исботламоқда».
Уни Мбаппе, Холанд ва Месси билан солиштиришаётгани ҳақида
«Бу мен учун чалғитувчи ғояга айланишини хоҳламайман. Гап Мбаппега тақлид қилиш ёки Месси гол урса, менинг ҳам гол ургим келиши ҳақида кетмаяпти. Йўқ, бу мени ташвишга солмайди. Биринчидан, улар мендан 10 ёш катта. Иккинчидан эса, менда бошқача ўйин услуби бор. Мен маслаҳатларга қулоқ солишни истайман. Мен 16 та гол уришим мумкин, кейин эса ярим финалда ютқазиб қўйишимиз мумкин. Шу боис, бу мен интилаётган нарса эмас», – деди 18 ёшли Ямал TVE га берган интервьюсида.
