Марокаш терма жамоасининг ёш ярим ҳимоячиси Аюб Буадди жаҳон чемпионатидаги ўйини учун яна мақтовларга сазовор бўлди. Бу сафар «Лилль»нинг 18 ёшли футболчиси гуруҳ босқичи 2-туридан ўрин олган ва марокашликларнинг минимал ҳисобдаги ғалабаси билан якунланган Шотландияга қарши баҳсда ўзини кўрсатди.

«Унинг ўйин сифати ҳамма нарсани айтиб турибди. Аюб — ажойиб футболчи. У буни Бразилия билан ўйинда кўрсатганди, мана энди Шотландия билан баҳсда ҳам исботлади. Бу ҳақиқатан ҳам ақл бовар қилмайдиган даражада. У ҳаммага жуда ёқади, лекин шу билан бирга жуда камсуқум бўлиб қолмоқда», — деди SportyTV телеканалига берган интервьюсида «Манчестер Юнайтед» шарафини ҳимоя қилувчи марокашлик ҳимоячи Нуссаир Мазрауи.

Кўплаб миш-мишларга кўра, «Арсенал», «Ливерпуль», «ПСЖ» ва Европанинг бошқа гранд клублари Буаддини ўз сафига қўшиб олишни исташмоқда.