Марокаш терма жамоаси ярим ҳимоячиси Исмаэль Сайбари ЖЧ-2026 гуруҳ босқичи 2-туридан ўрин олган Шотландияга қарши ўйинда ягона гол муаллифига айланди.
«Бавария»га ўтишга яқин турган ПСВнинг 25 ёшли футболчиси учрашувнинг 2-дақиқасидаёқ шотландияликлар дарвозасини ишғол қилди. Бундан олдин у биринчи тур доирасидаги баҳсда (1:1) бразилияликлар дарвозасини ҳам ранжитган эди. Opta маълумотларига кўра, Сайбари Миср терма жамоаси аъзоси Муҳаммад Салоҳдан кейин мундиалдаги дастлабки иккита ўйинида гол уришга муваффақ бўлган иккинчи африкалик футболчига айланди.
Гуруҳ босқичининг сўнгги учрашувида марокашликлар Гаити терма жамоаси билан тўқнаш келишади.
