Шотландия терма жамоаси бош мураббийи Стив Кларк ЖЧ-2026да Марокашдан учралган мағлубиятдан сўнг ўз фикрларини билдириб ўтди.
«Биз аҳмоқона гол ўтказиб юбордик — ўйиннинг дастлабки дақиқаларида рақибга фаол ҳаракат қилишига қўйиб бердик. Улар топқирлик кўрсатишди.
Ўйинга киришиб кетишимиз учун 10 дақиқа вақт талаб этилган бўлса-да, биринчи бўлимда куч тўплай олдик деб ўйлайман. Ўйинимизда пасайиш кузатилди ва бу жавоб қайтаришимизни қийинлаштирди. Кейин эса ўзимизни ўнглаб, ўйинга қайтдик ва тўп назоратини яхшиладик. Иккинчи бўлимда, сув ичиш учун берилган танаффусдан кейин яхши ўйнадик ва шу руҳда давом этдик. Натижага эриша олмаганимиздан ҳаммамиз тушкунликдамиз ва ҳафсаламиз пир бўлди, зеро биз турнирда иложи борича узоқроққа боришни истаймиз», — дея Кларкнинг сўзларини келтиради espn.co.uk нашри.
