Shotlandiya terma jamoasi bosh murabbiyi Stiv Klark JCH-2026da Marokashdan uchralgan mag‘lubiyatdan so‘ng o‘z fikrlarini bildirib o‘tdi.

«Biz ahmoqona gol o‘tkazib yubordik — o‘yinning dastlabki daqiqalarida raqibga faol harakat qilishiga qo‘yib berdik. Ular topqirlik ko‘rsatishdi.

O‘yinga kirishib ketishimiz uchun 10 daqiqa vaqt talab etilgan bo‘lsa-da, birinchi bo‘limda kuch to‘play oldik deb o‘ylayman. O‘yinimizda pasayish kuzatildi va bu javob qaytarishimizni qiyinlashtirdi. Keyin esa o‘zimizni o‘nglab, o‘yinga qaytdik va to‘p nazoratini yaxshiladik. Ikkinchi bo‘limda, suv ichish uchun berilgan tanaffusdan keyin yaxshi o‘ynadik va shu ruhda davom etdik. Natijaga erisha olmaganimizdan hammamiz tushkunlikdamiz va hafsalamiz pir bo‘ldi, zero biz turnirda iloji boricha uzoqroqqa borishni istaymiz», — deya Klarkning so‘zlarini keltiradi espn.co.uk nashri.