Франция терма жамоаси ва Мюнхеннинг «Бавария» клуби ҳужумкор ярим ҳимоячиси Майкл Олисе жорий трансфер ойнасида Мадриднинг «Реал» клуби учун асосий мақсад бўлиб турибди.
Mundo Deportivo журналистларининг хабар беришича, «қаймоқранглилар» раҳбари Флорентино Перес юлдуз вингерни қўлга киритиш учун бор кучини ишга солади. Президент музокараларда Майклнинг миллий жамоадаги шериклари бўлган Килиан Мбаппе ва Орельен Тчуаменининг ёрдамига умид қилмоқда.
Transfermarkt 24 ёшли франциялик футболчининг бозор қийматини 150 миллион еврога баҳоламоқда. Олисенинг «Бавария» билан шартнома мажбуриятлари 2029 йилнинг июнь ойи охиригача амал қилади.
