Жаҳон чемпионати-2026да АҚШ терма жамоаси шарафини ҳимоя қилаётган ҳимоячи Крис Ричардснинг фикрича, унинг жамоаси ўз уйида ўтаётган мундиалда чемпионлик учун курашишга қодир.
«АҚШ терма жамоасининг чемпионлик унвонини қўлга киритиш истаги ҳақида гапиришни аҳмоқона деб ўйламайман. Бунгача ҳали ўйинлар кўп, биз қадамма-қадам олдинга ҳаракат қиламиз. Мундиал якунида кубокни бошимиз устида баланд кўтаришни истаймиз», — дея америкалик футболчининг сўзларини келтиради ESPN телеканали.
АҚШ терма жамоаси ўз майдонларида ўтаётган турнирда дастлабки иккита учрашувда ғалаба қозонди. Маурисио Почеттино шогирдлари Парагвай (4:1) ва Австралия терма жамоаларидан устун келишди. Гуруҳ босқичининг сўнгги баҳсида америкалик футболчилар Туркия терма жамоасига қарши майдонга тушишади.
