«Универсидад де Чили» клуби бош мураббийи Фернандо Гаго юрак хуружини (инфаркт) бошдан кечирди ва зудлик билан шифохонага ётқизилди. «Реал»нинг собиқ ярим ҳимоячиси ўйиндан кейинги матбуот анжумани вақтида ўзини ёмон ҳис қилган.
Тўсатдан бошланган кучли оғриқдан сўнг, 40 ёшли аргентиналик мутахассис Сантьяго шаҳридаги шифохоналардан бирига олиб борилган ва у ерда тезкорлик билан жарроҳлик амалиёти ўтказилган.
Чили клуби матбуот хизмати берган маълумотларга кўра, ҳозирда Гагонинг аҳволи барқарор деб баҳоланмоқда.
