Тунис терма жамоаси Япониядан йирик (0:4) ҳисобида мағлубиятга учради ва ЖЧ-2026 плей-офф босқичига чиқиш имкониятидан муддатидан олдин маҳрум бўлди.

Японияликлар ҳар бир бўлимда рақиб дарвозасига иккитадан гол уришди. Эслатиб ўтамиз, тунисликлар биринчи тур баҳсида Швецияга 1:5 ҳисобида имкониятни бой беришган эди. MisterChip тақдим этган маълумотларга кўра, Тунис Жаҳон чемпионатларининг дастлабки икки турида ўз дарвозасидан 9 та ёки ундан кўп гол ўтказиб юборган 1974 йилдан бери илк Африка терма жамоасига айланди. Бундан 52 йил аввал Заир терма жамоаси бундан ҳам даҳшатлироқ натижа қайд этганди — улар дастлабки икки ўйинда 11 та гол ўтказиб юборишган.

Сўнгги турда Тунис Нидерландияга қарши майдонга тушади. Ушбу учрашув 26 июнь куни Тошкент вақти билан 26 июнга ўтар кечаси соат 04:00 да бошланади.