«Барселона» вингери Ламин Ямал Жаҳон чемпионати гуруҳ босқичи доирасида бўлиб ўтадиган Испания ва Саудия Арабистони терма жамоалари ўртасидаги бўлажак учрашувда илк дақиқалардан майдонга тушиши кутилмоқда.
18 ёшли футболчи жароҳатини тўлиқ даволаб бўлди ва асосий таркибда ўйнашга тайёр. Sport нашри тарқатган маълумотларга кўра, «қизил фурия» бош мураббийи Луис де ла Фуэнте бугунги баҳсда жамоанинг юлдуз футболчисини илк дақиқалардан майдонга тушириш ниятида. Худди шундай қарор Ламиннинг клубдоши Дани Ольмога ҳам тегишли.
Эслатиб ўтамиз, Кабо-Вердега қарши кечган илк тур баҳсида (0:0) Ямал 71-дақиқада захирадан майдонга тушган бўлса, Ольмо фақатгина 81-дақиқада ўйинга қўшилган эди.
Испания — Саудия Арабистони учрашуви Тошкент вақти билан соат 21:00 да бошланади.
