«Болонья» клубининг 27 ёшли марказий ҳимоячиси Жон Лукуми ҳамон «Ювентус»нинг қизиқишлар доирасида бўлиб турибди.

Таниқли журналист Фабрицио Романонинг хабар беришича, клублар колумбиялик футболчининг эҳтимолий трансферини муҳокама қилиш учун учрашишган, бироқ томонлар ҳали келишувга эришишдан анча йироқ. Лукуми «Ювентус» бош мураббийи Лучано Спаллеттига жуда ёқади, аммо айни дамда Турин клуби раҳбарияти «Болонья»нинг талаб қилаётган суммасини ҳаддан ташқари юқори деб ҳисобламоқда.

Якунланган мавсумда Лукуми барча турнирларда жами 43 та учрашувда майдонга тушиб, 1 та гол урди ва 1 та голли узатмани ўз ҳисобига ёздириб қўйди.

Transfermarkt портали мутахассислари ҳимоячининг трансфер баҳосини 22 миллион еврога баҳолашмоқда.