30 ёшли даниялик ҳимоячи Андреас Кристенсен «Барселона» билан меҳнат шартномасини узайтиради. Бу ҳақдаги маълумотни Mundo Deportivo нашри бўлишмоқда.
Манбага кўра, томонлар 2028 йилгача мўлжалланган янги шартнома бўйича келишувга эришган. Бироқ шартномада махсус банд қайд этилади — агар томонлардан бири қониқмаса, бир йилдан сўнг келишувни бекор қилиш имкониятига эга бўлади.
Саудия Арабистони, Англия Премьер-лигаси ва Бундеслигадан янада фойдали таклифлар олганига қарамай, Кристенсен «Барселона»да қолишга қарор қилди.
Кристенсен 2022 йилдан бери «кўк-анорранглилар» сафида тўп суради. Ўтган мавсумда у барча турнирларда 18 та ўйин ўтказиб, битта гол урди.
