Испания  ЖЧ-2026 "H" гуруҳи 2-турида Саудия Арабистонини 4:0 ҳисобида мағлуб этди. Учрашувда Ламин Ямал битта гол урган бўлса, Микель Оярсабал дубль қайд этди.

«Ламин яна идеал спорт формасига қайтди ва бутун ўйин давомида ҳаракат қила олади. Микель ҳақида гапирадиган бўлсак, унда айрим кичик муаммолар бор эди, тафсилотларга тўхталмайман, аммо у ҳар доим энг юқори савияда ўйнайди.

Албатта, ўйин қандай кечаётганига қараб қарор қабул қилишимиз керак эди, аммо бугун мақсадимиз сари муҳим қадам ташладик. Ламин яна ўзининг энг яхши ҳолатига қайтди. Уни ўйин давомида алмаштириб олиш ҳам яхши — бу унда янада кўпроқ нарсага эришиш истагини сақлаб қолади», — деди Луис де ла Фуэнте.

Испания кейинги турда Уругвай миллий терма жамоаси билан баҳс олиб боради. Ламин Ямал эса ушбу мундиалдаги илк голини нишонлади.