Бельгия терма жамоаси 2026 йилги жаҳон чемпионати G гуруҳи 2-турида Эрон билан 0:0 ҳисобида дуранг ўйнади.
АҚШнинг Инглвуд шаҳридаги «Соу-Фай Арена»да бўлиб ўтган баҳсда бельгияликлар дарвозасини тажрибали голкипер Тибо Куртуа қўриқлади.
Ушбу учрашув Куртуа учун жаҳон чемпионатлари доирасидаги 17-ўйин бўлди. Шу тариқа у мазкур кўрсаткич бўйича Бельгия терма жамоаси тарихидаги энг яхши натижани такрорлади.
Аввал бу рекорд фақат афсонавий ярим ҳимоячи Энцо Шифога тегишли эди. Энди эса Куртуа ҳам жаҳон чемпионатларида ўтказган ўйинлари сони бўйича у билан тенглашиб олди.
Эслатиб ўтамиз, G гуруҳида икки турдан кейин Бельгия ва Эрон ҳисобида иккитадан очко мавжуд.













