Англия терма жамоаси вингери Букайо Сака ЖЧ-2026 гуруҳ босқичи иккинчи тури доирасида Ганага қарши ўйин олдидан машғулотларга қайтди.
Лондоннинг «Арсенал» клуби футболчиси «уч шерлар»нинг шанба кунги машғулотида қатнашмаган эди, аммо якшанба куни аллақачон одатий режимда машқ қилди, деб хабар бермоқда журналист Сами Мокбел. Кўринишидан, 24 ёшли футболчи бўлажак баҳсда иштирок этишга тайёр бўлади.
Хорватияга қарши биринчи тур учрашувида Букайо Сака 72-дақиқада захирадан майдонга тушди ва 85-дақиқада Маркус Рэшфордга голли узатмани амалга ошириб, якуний ҳисобни ўрнатди (4:2).
Англия ва Гана терма жамоалари ўртасидаги баҳс 23 июнь куни бўлиб ўтади, ўйин бошланиши Тошкент вақти билан 24 июнь соат 01:00'да режалаштирилган.
