Angliya terma jamoasi vingeri Bukayo Saka JCH-2026 guruh bosqichi ikkinchi turi doirasida Ganaga qarshi o‘yin oldidan mashg‘ulotlarga qaytdi.

Londonning «Arsenal» klubi futbolchisi «uch sherlar»ning shanba kungi mashg‘ulotida qatnashmagan edi, ammo yakshanba kuni allaqachon odatiy rejimda mashq qildi, deb xabar bermoqda jurnalist Sami Mokbel. Ko‘rinishidan, 24 yoshli futbolchi bo‘lajak bahsda ishtirok etishga tayyor bo‘ladi.

Xorvatiyaga qarshi birinchi tur uchrashuvida Bukayo Saka 72-daqiqada zaxiradan maydonga tushdi va 85-daqiqada Markus Reshfordga golli uzatmani amalga oshirib, yakuniy hisobni o‘rnatdi (4:2).

Angliya va Gana terma jamoalari o‘rtasidagi bahs 23 iyun kuni bo‘lib o‘tadi, o‘yin boshlanishi Toshkent vaqti bilan 24 iyun soat 01:00'da rejalashtirilgan.