Жаҳон чемпионати – 2026 гуруҳ босқичи иккинчи турида Эрон терма жамоаси Бельгия миллий жамоаси билан тўқнаш келди. Учрашув 0:0 ҳисобидаги дуранг билан якунланди. Ушбу натижа ҳақида Эрон жамоаси дарвозабони Алиреза Бейранванд фикр билдирди.
«Эрон халқини ва стадионда бизни қўллаб-қувватлаган ҳар бир мухлисни бундай ўйин билан табрикламоқчиман. Бу осон баҳс бўлмади. Бельгия терма жамоаси — энг кучли футбол терма жамоаларидан бири. Биз бу жамоани ҳурмат қиламиз», — дея дарвозабоннинг сўзларини келтиради ФИФА матбуот хизмати.
Таъкидлаш жоизки, дарвозабон ўтган учрашувнинг энг яхши футболчиси деб топилди. Гуруҳ босқичининг сўнгги турида Эрон терма жамоаси Янги Зеландия билан тўқнаш келади.
