Бельгия терма жамоаси ҳужумчиси Ромелу Лукаку жаҳон чемпионати-2026 гуруҳ босқичи 2-турида Эронга қарши ўйинда майдонга тушиб, терма жамоа рекордчилари рейтингидаги ўрнини яхшилаб олди. Таъкидлаш жоизки, учрашув дуранг (0:0) билан якунланди.
Лукаку ўйинни асосий таркибда бошлади ва 73-дақиқада алмаштирилди, аммо самарали ҳаракат амалга ошира олмади. Бу унинг миллий жамоа сафидаги 128-ўйини бўлди ва бу форвардга терма жамоа тарихидаги ўйинлар сони бўйича учинчи ўринга кўтарилиб олиш имконини берди. У 127 та ўйин ўтказган Тоби Алдервейрелдни ортда қолдирди. Энди Лукакунинг олдида фақат ярим ҳимоячи Аксель Витсель (138) ва собиқ ҳимоячи Ян Вертонген (157) қолди.
3-турда Бельгия терма жамоаси Янги Зеландия билан (27 июнь) тўқнаш келади.
