Belgiya terma jamoasi hujumchisi Romelu Lukaku jahon chempionati-2026 guruh bosqichi 2-turida Eronga qarshi o‘yinda maydonga tushib, terma jamoa rekordchilari reytingidagi o‘rnini yaxshilab oldi. Ta’kidlash joizki, uchrashuv durang (0:0) bilan yakunlandi.
Lukaku o‘yinni asosiy tarkibda boshladi va 73-daqiqada almashtirildi, ammo samarali harakat amalga oshira olmadi. Bu uning milliy jamoa safidagi 128-o‘yini bo‘ldi va bu forvardga terma jamoa tarixidagi o‘yinlar soni bo‘yicha uchinchi o‘ringa ko‘tarilib olish imkonini berdi. U 127 ta o‘yin o‘tkazgan Tobi Alderveyreldni ortda qoldirdi. Endi Lukakuning oldida faqat yarim himoyachi Aksel Vitsel (138) va sobiq himoyachi Yan Vertongen (157) qoldi.
3-turda Belgiya terma jamoasi Yangi Zelandiya bilan (27 iyun) to‘qnash keladi.
