Каталониянинг «Барселона» клуби собиқ мураббийи ва футболчиси Хави Эрнандес ўзининг собиқ жамоадоши — аргентиналик ҳужумчи Лионель Месси ҳақида ўз фикрларини билдирди.
«Мен Мессини футбол оламидаги Майкл Жордан деб аташни яхши кўраман. Бу ўйинда Лионелга тенг келадигани йўқ. У тарихдаги энг буюк футболчилардан ҳам ўзиб кетди. Унинг Жазоирга урган голларига эмас, балки унинг ўйинига ва ҳозирги формасига эътибор қаратинг. Унда ҳамон юксак амбициялар бор», — дея испаниялик мутахассиснинг сўзларини келтиради The Athletic.
Жаҳон чемпионати гуруҳ босқичидаги илк учрашувда Аргентина Жазоир устидан 3:0 ҳисобида ғалаба қозонди. «Альбиселесте» сафида урилган барча учта гол 38 ёшли Месси ҳисобига ёзилди.
