Франция терма жамоаси ҳужумчиси Килиан Мбаппе терма жамоадаги шериги Усмон Дембелени танқидлардан ҳимоя қилди.

«Мен ўйинни икки марта қайта кўриб чиқдим. Биринчи бўлимда Усмон бизнинг тўртлик ҳужум чизиғимиздаги энг яхшиси эди. У барчадан кўра яққолроқ ажралиб турган футболчи эди.

Иккинчи бўлимда мен ва Майкл Олисе ҳал қилувчи ролни ўйнадик, аммо у ҳам ўз ҳиссасини қўшди. У рақиб эътиборини ўзига тортди ва биринчи гол урилган вазиятда бўш зона қолдирди.

Усмон жуда хотиржам, у «Олтин тўп» соҳиби, у барчанинг ишончидан фойдаланмоқда. Ишончим комилки, кейинги ўйиндан бошлаб у яна олдинга силжийди. У биз учун асосий футболчига айланади, бу аниқ», – деди Мбаппе.

Турнирдаги иккинчи ўйинда францияликлар Ироққа қарши майдонга тушади. Ўйин Тошкент вақти билан 24 июнь куни соат 02:00'да бошланади.