Мюнхеннинг «Бавария» клуби раҳбарияти ҳозирча ҳужумчи Майкл Олисе билан янги шартнома борасида келиша олгани йўқ. Бу ҳақда Kicker нашри хабар бермоқда.
Манбанинг маълумотига кўра, «Бавария» ҳақиқатан ҳам Олисенинг атрофидагилар билан меҳнат шартномасини узайтириш имконияти юзасидан дастлабки мулоқотларни ўтказган, аммо шундан сўнг жараён олға силжимаган. Шунга қарамай, Мюнхен клуби Олисе билан шартномани имкон қадар тезроқ узайтиришга қатъий бел боғлаган. Янги шартномага кўра, франциялик футболчининг йиллик маоши 25 миллион еврони ташкил этиши кутилмоқда.
Ўтган мавсумда Олисе барча турнирларда 52 та учрашувда майдонга тушиб, рақиблар дарвозасини 22 бор ишғол қилди ва 31 та голли узатмани амалга оширди.
