Аргентина терма жамоаси ярим ҳимоячиси Энцо Фернандес ўйин олдидан ўтказилган матбуот анжуманида 2026-йилги жаҳон чемпионатини 2022-йил Қатарда бўлиб ўтган турнир билан солиштирди.
«Футбол тобора бир хил бўлиб бораётганини ҳис қиляпман. Бу жаҳон чемпионати Қатардаги жаҳон чемпионатига қараганда рақобатбардошроқ. Кўплаб терма жамоалар борки, улар ажаблантирмоқда ва муҳим рол ўйнамоқда», – дея Фернандеснинг сўзларини келтиради TyC Sports.
22 июнь куни ЖЧ-2026 гуруҳ босқичи J гуруҳи 2-тури доирасида Аргентина терма жамоаси Австрия билан тўқнаш келади, 3-турда эса Иордания билан куч синашади (28 июнь).
