«Марсель»нинг 24 ёшли вингери Мэйсон Гринвуд фаолиятини «Рома»да давом эттириши мумкин.

Repubblica нашрига маълум бўлишича, «Рома» «Марсель» клубига 75 миллион евролик таклиф тайёрламоқда. Бироқ римликлар айни дамда Франция клубига фақатгина 20 миллион евро ўтказиб беришни, қолган 55 миллион евролик тўловни эса икки ёки уч йилга бўлиб тўлашни режалаштиряпти.

Манбанинг берган маълумотига кўра, «Рома» Гринвуднинг ўзи билан шахсий шартнома борасида келишувга эришган. Агар ушбу трансфер амалга ошса, футболчи йилига 5 миллион евро маош олади ва бу миқдор босқичма-босқич ошириб борилади.

Якунланган мавсумда Гринвуд барча турнирларда 45 та учрашувда майдонга тушиб, 26 та гол урди ва 11 та голли узатмага муаллифлик қилди.