Австрия терма жамоаси бош мураббийи Ральф Рангник испаниялик вингер Ламин Ямалнинг иқтидорига юқори баҳо берди. 2026 йилги Жаҳон чемпионатининг иккинчи турида Испания терма жамоаси Саудия Арабистонини 4:0 ҳисобида тор-мор этди ва Ямал ушбу ўйинда гол муаллифига айланди.

«Испания — ҳеч ким тўқнаш келишни истамайдиган рақиб. Бу сўнгги йилларда футбол тарихини шакллантирган терма жамоалардан бири. Бундан ташқари, улар сафида Ламин Ямал бор — у жаҳон футболининг бўлажак суперюлдузларидан бири. Менимча, агар у соғлом бўлса ва муваффақиятдан боши айланиб қолмаса, Лионель Месси даражасига ета олади», — дея Рангникнинг сўзларини келтиради Goal.com.

Ямал соғлиғидаги яқинда рўй берган муаммолардан сўнг, мураббийлар штаби унинг ҳолатига жуда эҳтиёткорлик билан ёндашмоқда. Саудия Арабистонига қарши ўйиндаги ёрқин биринчи таймдан сўнг футболчи захирага олинди, турнирнинг дастлабки ўйинида эса Кабо-Вердега (0:0) қарши у ундан ҳам камроқ — атиги 19 дақиқа майдонда бўлди.