Испания терма жамоаси ҳужумчи Ламин Ямаль учрашувнинг илк дақиқаларидан майдонда ҳаракат қилган кетма-кет 21 та ўйиндан буён мағлуб бўлмасдан келмоқда. Бундан олдинроқ испанияликлар 2026 йилги Жаҳон чемпионати «H» гуруҳи 2-тури доирасида Саудия Арабистони терма жамоасини йирик (4:0) ҳисобда мағлуб этган эди. Бу ҳақда Opta таҳлилий портали ўзининг ижтимоий тармоқдаги саҳифасида хабар тарқатди.

Ямал бошланғич таркибда жой олган ушбу баҳсларда испанияликлар 15 та ғалаба ва 6 та дуранг қайд этишган. «Қизил фурия» мазкур ўйинларда рақиблари дарвозасига жами 60 та гол урган бўлса, уларнинг 16 тасида бевосита Ямал иштирок этган (5 та гол ва 11 та голли узатма).

2-турдан сўнг Испания терма жамоаси 4 очко жамғарган ҳолда «H» гуруҳи турнир жадвалида пешқадамлик қилмоқда. Саудия Арабистони эса 1 очко билан тўртинчи ўринни эгаллаб турибди.

3-турда Испания миллий жамоаси Уругвай билан куч синашади (27 июнь), Саудия Арабистони эса худди шу куни Кабо-Верде терма жамоасига қарши майдонга тушади.