Сенегал терма жамоаси ҳимоячиси Мусса Ньякате 2026 йилги Жаҳон чемпионати гуруҳ босқичи доирасида Норвегияга қарши бўлиб ўтадиган ўйин олдидан рақиб ҳужумчиси Эрлинг Холандни қандай қилиб тўхтатмоқчи эканлигини тушунтириб берди.
«Жарима майдончаси ичида Холандни бошқа ҳар қандай ҳужумчига қараганда зичроқ ва диққат билан қўриқлашга ҳаракат қилиш керак, чунки унга ҳеч қанақасига сакраш учун имконият бериб бўлмайди. У рақибга қандай муаммо туғдиришни жуда яхши биладиган ақлли ҳужумчидир», — дея Ньякатенинг сўзларини келтиради L’Équipe нашри.
Эслатиб ўтамиз, дастлабки турда Ҳоланд Ироқ дарвозасига дубль қайд этган эди (4:1). Норвегия «I» гуруҳида 3 очко жамғарди, Сенегал эса Франциядан учралган мағлубиятдан сўнг (1:3) ҳали очко олганича йўқ. Норвегия — Сенегал учрашуви 23 июнь куни Ист-Ратерфорддаги «Метлайф» стадионида бўлиб ўтади. Ўйин Тошкент вақти билан соат 05:00 да бошланади.
