Швеция терма жамоаси собиқ ҳужумчиси Златан Ибрагимович Лионель Мессининг рекордига муносабат билдирди.

Аргентиналик ҳужумчи бугунги ЖЧ-2026 гуруҳ босқичи доирасидаги Австрияга қарши ўйинда (2:0) дубл қайд этди ва 18 та гол билан жаҳон чемпионатлари тарихидаги энг яхши тўпурарга айланди.

«Бунга ҳеч қачон шубҳа бўлмаган. Шундай вазиятлар бўладики, у ўзини оддий инсон сифатида кўрсатади – пенальтидан адашади, лекин бошқа вазиятларда у умуман инсонга ўхшамайди, бу – Месси. У ўзининг 6-жаҳон чемпионатида қатнашмоқда, улар ҳали Иорданияга қарши ўйнашгани йўқ, шунинг учун бу нима билан тугашини билмайман.

Иккита ўйинда бешта гол – менда эса иккита жаҳон чемпионатида ноль та гол. Мен у учун хурсандман ва буни шу тарзда давом эттиришига умид қиламан.

Бир неча кундан кейин унинг туғилган куни, шундай экан, бундан завқлансин. Ҳаммамиз унинг ўйинини томоша қилиб завқ олмоқдамиз. Ҳайратланарли, шунчаки ақл бовар қилмайди, сўз йўқ», – деди Ибрагимович.