Аргентина терма жамоаси бош мураббийи Лионель Скалони жамоа ҳужумчиларининг майдондаги комбинацияси ҳақида гапирди.
Аргентиналиклар ЖЧ-2026 2-турида 38 ёшли Лионель Мессининг дубли эвазига Австрия терма жамоасини (2:0) мағлуб этишди.
«Баъзан мендан Лаутаро Мартинес ва Хулиан Альварес бирга ўйнай олишадими деб сўрашади... Бу қийин савол. Лаутаро, Хулиан, Лео... Лекин шу билан бирга ҳимояланиш, югуриш ва мувозанатни сақлаш ҳам керак. Мен жон-дилдан ҳаммасини туширган бўлардим, чунки уларнинг уччаласини ҳам яхши кўраман, уларга қойил қоламан. Аммо Лео ўйнаши керак, чунки мен шундай қарор қилдим.
Бу қизиқ савол, лекин жавоби у қадар оддий эмас. Агар мувозанатни йўқотсак, заиф жамоага айланиш хавфи бор, бу эса биз энг охирги истайдиган нарсадир. Испания ва Италиянинг энг яхши тўпурарлари ҳақида гап кетганда, қандай қилиб уларни майдонда бирга кўришни истамаслигим мумкин? Бироқ бизнинг устувор вазифамиз доимо жамоа учун энг яхши бўлган нарсани қилишдир. Уларнинг иккаласи ҳам буни тушунишади: бугун Лаутаро ақл бовар қилмайдиган ишни бажарди», – деди Скалони ўйиндан кейин.
