«Манчестер Сити» шу ҳафтада Энцо Маресканинг жамоа бош мураббийи этиб тайинланганини эълон қилиши кутилмоқда, деб хабар беради «The Times».
Аввалроқ италиялик мутахассис «шаҳарликлар» билан уч йиллик шартнома имзолаши, «Челси» эса товон пули сифатида қарийб 20 миллион евро олиши маълум бўлган эди.
«Манчестер Сити» бошқарувида Мареска Пеп Гвардиоланинг ўрнини эгаллайди.
Италиялик мутахассис бунгача 2024 йилнинг июлидан 2026 йилнинг январига қадар «Челси»ни бошқарган. Мареска шунингдек, 2022/23 йилги мавсумда «Манчестер Сити»да Гвардиоланинг ёрдамчиси бўлиб ишлаган.
