Бразилия терма жамоасининг собиқ ҳужумчиси Роналдо Назарио Лионель Мессининг жаҳон чемпионатлари тарихидаги энг яхши тўпурарга айлангани ҳақида фикр билдирди.

“Футбол Худолари учун бу натижа ўзи ҳаммасини айтиб турибди. У барчани ортда қолдирди. Агар жаҳон чемпионатлари тарихидаги энг яхши тўпурар бўлишга кимдир лойиқ бўлса, бу айнан Месси. У 38 ёшда, тасаввур қилинг. Мен 38 ёшимда футболни тарк этганимга тўрт йил бўлган ва вазним 120 килограммга етганди”, — деди Роналдо.

Эслатиб ўтамиз, Месси ЖЧ–2026 гуруҳ босқичининг иккинчи турида Австрия миллий терма жамоасига қарши баҳсда дубл қайд этди ва Аргентина миллий терма жамоасининг 2:0 ҳисобидаги ғалабасига ҳисса қўшди.

Мазкур голлар орқали Месси жаҳон чемпионатлари тарихидаги голлари сонини 18 тага етказиб, мусобақа рекордчисига айланди.