«Борнмут»нинг 27 ёшли хавбеки Тайлер Адамс Англия Премьер-лигасининг иккита топ-клуби рўйхатидан жой олган. Бу ҳақда журналист Экрем Конур хабар бермоқда.
Манбанинг маълумотларига кўра, америкалик футболчининг хизматларига «Челси» ва «Манчестер Юнайтед» қизиқиш билдирмоқда. Таъкидланишича, ярим ҳимоячини ўз таркибида кўришни «кўклар»нинг бош мураббийи Хаби Алонсо, шунингдек, «қизил иблислар» устози Майкл Кэррик шахсан хоҳламоқда.
Англия Премьер-лигасининг якунланган мавсумида Адамс 25 та ўйинда майдонга тушиб, иккита гол урди ва ўз ҳисобига иккита голли узатмани ёздириб қўйди.
Transfermarkt мутахассислари Адамснинг қийматини 25 миллион еврога баҳоламоқда.
