Франциялик ярим ҳимоячи Орельен Тчуамени ёзги трансфер ойнасида Мадриднинг «Реал» клубини тарк этиши мумкин. Бу ҳақда журналист Джанлуиджи Лонгари хабар бермоқда.
Манбанинг маълумотларига кўра, Тчуаменининг ўзи «Реал»да қолишни хоҳлайди, бироқ клуб унинг трансферини истисно қилмаяпти. Таъкидланишича, «Манчестер Юнайтед» футболчига жиддий қизиқиш билдирмоқда.
Якунланган мавсумда 26 ёшли франциялик футболчи барча мусобақаларни ҳисобга олганда 49 та учрашувда майдонга тушиб, иккита гол урди ва ўз ҳисобига иккита голли узатмани ёздириб қўйди.
«Transfermarkt» маълумотларига кўра, Тчуаменининг қиймати 70 миллион еврони ташкил этади.
